Guðmundur A Kristjánsson átti 4,91% hlut í Hraðfrystihúsinu Gunnvör í Hnífsdal sem hann seldi um leið og samtals 16% hlutur í útgerðinni var seld Jakobi Valgeir Flosasyni, útgerðarmanni í Bolungarvík. Auk Guðmundar seldu þrjú systkini hans, Kristinn Þórir, Ólöf Jóna og Steinar Örn, hluti sína í fyrirtækinu við sama tilefni en kaupverðið nam í heildina um fimm milljörðum króna, samkvæmt frétt Innherja af sölunni. Hluturinn hafði verið í fjölskyldu systkinanna frá því fyrir sameiningu Hraðfrystihússins í Hnífsdals og útgerðarinnar Gunnvarar á Ísafirði um aldamótin síðustu. Athygli vekur að eitt systkinanna, Einar Valur Kristjánsson, forstjóri Hraðfrystihússins Gunnvarar, er eftir sem áður í eigendahópnum.