Gordon Neil Ramsey dósent í fjölmiðlafræði við félagsvísindadeild Háskólans á Akureyri og Sarah Oates prófessor við Maryland háskóla leggja um þessar mundir lokahönd á bók um áróður Rússa í vestrænum fjölmiðlum en útgefandi bókarinnar er Oxford University Press. Gordon spjallaði við Guðmund Oddsson dósent í félagsfræði við Háskólann á Akureyri um náms- og starfsferil sinn, rannsóknaráherslur og nýju bókina. Gordon rannsakar einkum pólitísk boðskipti og rangupplýsingar einnig hnignum staðarmiðlunar í vestrænum lýðræðissamfélögum. Viðtalið fór um víðan völl en hverfðist um áskoranir hefðbundinnar blaðamennsku í fjölmiðlaumhverfi sem er sífellt berskjaldaðra fyrir rangupplýsingum (e. disinformation) sem vísa til þess þegar röngum eða misvísandi upplýsingum er deilt af ásetningi og til þess að valda skaða. Áður en hann fékk akademíska stöðu við Háskólann á Akureyri, kenndi Gordon við breska háskóla og vann við breskar hugveitur við rannsóknir á fjölmiðlalöggjöf. Þá hjálpaði hann einnig að stofnsetja the Centre for the Study of Media, Communication and Power við King’s College London.