Við vorum að yfirgefa landamærastöðina og erum á leiðinni til Lviv. Það eru hermenn út um allt og lögregla að fylgjast með veginum og það eru varðstöðvar þar sem er verið að fylgjast með bifreiðum og öðru. Við sjáum tíðan straum af flóttafólki að keyra á móti okkur þar sem við erum að fara í öfuga átt.

Furðuleg upplifun að vita af því að maður sé kominn inn í land þar sem að er stríðsástand.

Þeir sem eru hér með okkur í bílnum til dæmis voru bara með venjuleg störf. Einn þeirra var að vinna sem verkfræðingur að byggja milljarða verkefni í miðbæ Kýiv. Þau eru með fjölskyldur sem eru nú sem betur fer komnar til Kraká í Póllandi.

Við erum að eiga samtal hérna um stríðið að sjálfsögðu en svo dettum við bara inn í daglegt samtal og það er einhvern veginn alltaf furðulegt að pæla í því að við dettum alltaf aftur í stríðið.