Páll Haukur var skemmtilegur heim að sækja. Hann átti líka skemmtilegan kött, (Gulrót). Rétt eins og Hillbilly er hann smá sveitalubbi, ferskur úr Mosfellssveit. Hann leikur sér með miðla í myndlist sinni. Hann lýsir vinnu sinni best sjálfur á heimasíðu sinni, pallhaukur.com (lauslega þýtt úr ensku):

Með list minni er ég að reyna að slíta mig frá sérstökum hugmyndum um merkingu, ég reyni að leyfa hlutum að vera staðsettir á krossgötum þar sem þeir eru eini og sami hluturinn - að minnsta kosti í stundarkorn, rétt áður en ákvörðunin um hvað hann er, er tekin. Skúlptúrar mínir reyna að vera myndir, gjörningar, málverk og innsetningar reyna að vera teikningar.