Konur til valda

Guðrún Karls Helgu­dóttir, biskup Íslands, seg­ist búa að því að önnur kona hafi rutt braut­ina á undan henni. Hún þekki þó vel mis­mun­andi við­mót fólks gagn­vart kven- og karl­prestum. Þegar hún vígð­ist í Svíþjóð hélt stór hópur því fram að prest­vígsla kvenna væri lygi.

Kristrún Frosta­dóttir for­sæt­is­ráð­herra seg­ist lítið leiða hug­ann að því að hún sé kona í valda­stöðu frá degi til dags, sem sé til marks um hve langt Ísland sé komið. Erlendis taki hún frekar eftir því að hún sé í minni­hluta við­staddra.

The Pres­ident, Prime Minister, Foreign Minister, Minister of Justice, Minister of Social Affairs and Housing, Minister of Industry, Minister of Health, Speaker of Alþingi, Parli­ament­ary Ombudsman, Mayor of Reykja­vík, Bishop, Rector, Attorney General, Director of Public Prosecutions, National Commissioner of the Icelandic Police, Police Commissioner in the Capital Region, Director of Health and Ombudsman for Children: In the Year of Women 2025, it became historic news that all these positions are held by women.

Forseti, for­sæt­is­ráð­herra, utan­rík­is­ráð­herra, dóms­mála­ráð­herra, félags- og hús­næð­is­mála­ráð­herra, atvinnu­vega­ráð­herra, heil­brigð­is­ráð­herra, for­seti Alþingis, umboðs­maður Alþingis, borg­ar­stjóri, biskup, rektor, rík­is­lög­maður, rík­is­sak­sókn­ari, rík­is­lög­reglu­stjóri, lög­reglu­stjór­inn á höf­uð­borg­ar­svæð­inu, land­læknir og umboðs­maður barna: Kvenna­árið 2025 urðu þau sögu­legu tíð­indi að allar þessar stöður eru skip­aðar konum.

Halla Tóm­as­dóttir, for­seti Íslands, seg­ist enn ekki hafa hitt konu í valda­stöðu í heim­inum sem ekki hafi orðið fyrir ein­hverri teg­und kyn­bund­ins ofbeldis. Íslend­ingar slái ýmis met hvað varði kynja­jafn­rétti en séu „ekk­ert betri en aðrar þjóðir þegar kemur að kyn­bundnu ofbeldi“.