Kerfi sem bregst barnafjölskyldum

Íslenskir foreldrar segja frá harkalegum köntum á kassalaga kerfi sem fær þau til að hugsa sig tvisvar um frekari barneignir. Dæmi eru um að konur hafi farið í þungunarrof vegna þess að þær sjá ekki fram á að geta séð fyrir fleiri börnum. Fæðingartíðni hefur aldrei mælst jafn lág á Íslandi og í fyrra. Aðjunkt í félagsfræði segir kerfið að vissu leyti hafa brugðist fjölskyldum, ekki síst mæðrum.

AðsentÞórdís Dröfn Andrésdóttir

Fæðingarorlofssjóður hefur fælingarmátt fyrir íslenska námsmenn erlendis

„Það hlýtur að vera að fé leki úr sjóðnum – ekki til nýbakaðra foreldra heldur einfaldlega í kerfið sjálft,“ skrifar Þórdís Dröfn Andrésdóttir, nýbökuð móðir sem hefur þurft að berjast fyrir fæðingarorlofsgreiðslum eftir að hún kom heim úr námi.

Úttekt

Veit hvað tíminn er dýrmætur af sárri reynslu

Eftir að Kolbrún Ýr Einarsdóttir og eiginmaður hennar, Sigurður Trausti Traustason, misstu Rökkva, son sinn, sjö vikna gamlan ákváðu þau að gera allt til þess að geta eytt sem mestum tíma með börnunum sem þeim fæddust síðar. En það hefur kostað sitt: Yfirdrætti sem enduðu í bankaláni upp á tæpar þrjár milljónir.

Úttekt

Klárar hvern einasta veikindadag í meðgönguveikindi

Fyrir tæpum 34 árum stóð Sigrún Jónsdóttir í pontu á Alþingi og krafðist þess að ófrískar konur fengju svokallað meðgönguorlof við 36. viku meðgöngu svo þær þyrftu ekki að ganga á veikindaréttinn sinn. Nú, 34 árum síðar, er dóttir Sigrúnar, Jóna Þórey Pétursdóttir, einmitt í þeim sporum að klára veikindaréttinn sinn vegna veikinda á meðgöngu. Þegar hún kemur aftur á vinnumarkað eftir orlof mun hún ekki eiga neinn veikindarétt inni.

Úttekt

Lögð inn á spítala eftir bréf frá Fæðingarorlofssjóði

Íslenskir foreldrar sem Heimildin hefur rætt við segja frá harkalegum köntum á kassalaga kerfi sem fær þau til að hugsa sig tvisvar um frekari barneignir. Læknir og bráðatæknir sem eignuðust nýlega son voru bæði komin aftur út á vinnumarkað þremur mánuðum eftir barnsburð. Um tíma leit út fyrir að móðirin fengi ekki fæðingarorlof.

15 mín. lestur

Úttekt

Sér erfiðleika foreldra og hugsar: „Þetta vil ég ekki“

Ingunn Lára Kristjánsdóttir er rúmlega þrítug og hefur aldrei fundið löngun til barneigna. Hún telur að inn í það spili ónógur stuðningur við barnafjölskyldur í íslensku samfélagi. Aðjunkt í félagsfræði segir ástæðurnar fyrir fallandi fæðingartíðni gríðarlega flóknar en að kerfið hafi að hluta brugðist fjölskyldum, ekki síst mæðrum.