Stundin #165

Samn­ingur við einka­sjúkra­húsið Klíník­ina um endó­metríósu­að­gerðir sem Willum Þór Þórsson heil­brigð­is­ráð­herra kynnti sem „mik­il­vægt skref í þeirri veg­ferð að taka saman höndum um að stytta bið og jafna aðgengi“ gildir bara til eins mán­aðar.

Umhverf­is­ráðu­neytið neit­aði að hækka skila­gjald á dósum og flöskum um tvær krónur. Ótti við verð­bólgu og dugn­aður Íslend­inga við að skila umbúðum var sögð ástæðan. Yfir 16 millj­ónum flaskna og dósa er árlega hent á haug­ana en veð­mæti þess eru hátt í 300 millj­ónir króna.

Stefán Gíslason umhverf­is­stjórn­un­ar­fræð­ingur sendi Icelandair ítar­legt erindi vegna sölu fyr­ir­tæk­is­ins á kolefn­is­jöfnun til við­skipta­vina sinna. Hann hefur ekk­ert svar fengið en mán­uði eftir að erindið var sent flug­fé­lag­inu, full­yrti tals­maður þess að engar athuga­semdir hefðu borist.

Bragi Guð­brands­son mun áfram sitja fyrir Íslands hönd í barna­rétt­ar­nefnd Sam­ein­uðu þjóð­anna þrátt fyrir þá nið­ur­stöðu að Barna­vernd­ar­stofa hafi brugð­ist eft­ir­lits­skyldum sínum á hans vakt

Ragnar Kjart­ans­son mynd­list­ar­maður segir ekki mikið hafa þurft til þess að sann­færa ónefnda emb­ætt­is­menn um að hjálpa Mariu Alyok­hinu, með­lim Pussy Riot, að flýja Rússland í vor. Hvorki hann né Katrín Jak­obs­dóttir for­sæt­is­ráð­herra fást til að að svara því hvort stjórn­völd hafi breytt reglu­gerð um útgáfu neyð­ar­vega­bréfa eftir að Ragnar, sem er yfir­lýstur stuðn­ings­maður Katrínar, hafði sam­band við for­sæt­is­ráð­herra.

Fyr­ir­tæki á Íslandi borga minnsta hlut­fall af umhverf­is­sköttum á Norð­ur­lönd­unum og með því allra lægsta í Evrópu.

Lands­virkjun hefur ákveðið að hætta að gefa íslenskum neyt­endum vottun um að raf­magnið sem þeir kaupa sé grænt. Orku­sölu­fyr­ir­tækin ákveða nú hvort selja eigi neyt­endum gráa orku, sem sögð er eiga upp­runa sinn í kola­verum Evrópu, eða hækka orku­verð um allt að 20 pró­sent.

Cyril Ramaphosa, for­seti Suður-Afríku, er í veru­lega slæmum málum vegna ásak­ana um að hann hafi mis­beitt valdi sínu í tengslum við inn­brot á búgarð hans. Ramaphosa, sem var kjör­ræð­is­maður Íslands til fjölda ára, varð fyrir því að reiðufé að and­virði hálfs millj­arðs króna, var stolið í inn­brot­inu. Pen­ing­arnir voru geymdir undir sófa­p­ullum.