Stundin #143

Hlutverk Baldvins Þor­steins­sonar, sonar Þor­steins Más Bald­vins­sonar, hjá útgerð­ar­fé­lag­inu Samherja, hefur ekki legið alveg ljóst fyrir á liðnum árum. Hann hefur borið hina ýmsu starfstitla og jafn­vel stýrt félagi sem Samherji hefur keypt en á sama tíma alltaf líka verið með putt­ana í útgerð­inni á bak við tjöldin. Þetta sýna rann­sókn­ar­gögnin í Sam­herj­a­mál­inu í Namibíu þar sem nafn Baldvins kemur það mikið fyrir að ætla má að hann sé eins konar aðstoð­ar­for­stjóri föður síns hjá Samherja.

Nafn fyr­ir­tækis í eigu flug­fé­lags­ins Icelandair kemur fyrir í Pand­óru­skjöl­unum svoköll­uðu. Fyr­ir­tæki í eigu Icelandair hafa nú komið við sögu í þremur stórum lekum úr skatta­skjólum síð­ast­liðin ár.

Pand­óru­skjölin sýna hvernig úkra­ínskur með­fram­leið­andi íslensku verð­launa­mynd­ar­innar Kona fer í stríð sækir í aflands­sjóð til að fjár­magna kvik­mynda­verk­efni sín. Uppruni pen­inga hans er gríð­ar­stórt sígar­ettu­veldi í Úkraínu. Fram­leið­andi mynd­ar­innar full­yrðir þó að þeir pen­ingar hafi ekki verið not­aðir við gerð íslensku mynd­ar­innar.

Jón Ólafsson, fjár­festir og stofn­andi vatns­verk­smiðj­unnar Icelandic Glacial í Ölfusi, segir að brátt muni hann og fjöl­skylda ekki eiga félag á Tortóla. Hann segir að hann hafi hætt að nota Tortóla­fé­lög eftir að hann lenti í skatta­máli við íslenska skatt­inn sem var vísað frá á end­anum.

Á Íslandi snerta Pand­óru­skjölin allt frá vatns­verk­smiðju í Þor­láks­höfn til flug­véla­við­skipta á Tortóla, hýs­ingu kláms og fíkni­efna­sölu­síðna á Íslandi en líka til þess sem varla verður útskýrt öðru­vísi en sem ímynd­ar­sköpun. Þótt lek­inn sé sá stærsti eru fáir Íslend­ingar í skjöl­unum miðað við fyrri leka.

Fjár­festir­inn Magnús Ármann, sem var einn umsvifa­mesti íslenski athafna­mað­ur­inn í Panama­skjöl­unum, flutti eign­ar­halds­fé­lag sitt úr skatta­skjól­inu Panama til Lúx­em­borgar árið 2016. Hann breytti um nafn á félag­inu.

Ármann Þor­valds­son, aðstoð­ar­for­stjóri Kviku, átti að minnsta kosti tvö félög í skatta­skjólum sem koma fram í Pand­óru­skjöl­unum. Gögnin sýna einnig við­skipti bresks félags sem hann stofn­aði sem Fjár­mála­eft­ir­litið hefur sektað Kviku fyrir að stunda við­skipti við. Kvika stað­festir að sektin hafi verið út af hags­muna­á­rekstrum tengdum Ármanni og breska félag­inu.