Úr blaðinu á vefnum

Heimildin #45

8. mars 2024

Efni úr blaðinu bætist smám saman við á vefnum, en sumt birtist aðeins í blaðinu sjálfu. Allt blaðið er á síðu þess.

bls. 2

Fréttir

„Norðurlönd eru ekki það sama og Norðurlönd“

Þar sem Norðurlöndin fást við útlendingamál með ólíkum hætti þurfa gögn sem sýna muninn á framkvæmdinni að koma fram við meðferð útlendingafrumvarpsins í þingnefnd, að mati þingflokksformanns VG. „Þau virðast sum hver hafa náð ágætum árangri en sum ekki,“ segir hann.

bls. 4

FréttirFlóttafólk frá Venesúela

Hafa ekki fengið lendingarleyfi: „Bíðum enn með tilbúnar ferðatöskur”

Flugvél sem átti að flytja venesúelska hælisleitendur úr landi í lok febrúar er enn ekki farin af stað. Sumir hælisleitendanna voru þegar búnir að pakka í töskur og tilbúnir að yfirgefa landið þegar í ljós kom að Útlendingastofnun hefði ekki fengið lendingarleyfi. Þeir lifa nú í biðstöðu en í Venesúela gæti beðið þeirra sólarhrings varðhald.

bls. 6

Viðskipti

Ný skýrsla kynnt í Namibíu - Allt að þúsund manns misstu vinnuna

Samherji er sagður bera ábyrgð á ómældum hörmungum vegna framgöngu fyrirtækisins í Namibíu. Ný skýrsla, sem unnin var um áhrif mútumálsins í Namibíu með stuðningi breska sendiráðsins í landinu, greinir frá þessu. Kallað eftir afsökunarbeiðni og greiðslu skaðabóta frá Íslandi.

bls. 6

Fréttir

Mansalsmálið, Kristrún Frostadóttir og Bashar Murad í Pressu

Grímur Grímsson, yfirmaður hjá lögreglunni á höfuðborgarsvæðinu, Jenný Kristín Valberg, teymisstjóri Bjarkahlíðar og Sigrún Skaftadóttir, deildarstjóri hjá Velferðarsviði Reykjavíkur koma í Pressu og ræða um mansalsmálið. Í þættinum verður líka rætt við Kristrúnu Frostadóttur, formann Samfylkingarinnar og Bashar Murad, tónlistarmann frá Palestínu.

bls. 8–9

Greining

Tuttugu forstjórastólar kostuðu tvo milljarða í fyrra

Laun forstjóra stórra fyrirtækja á Íslandi eru margfalt hærri en laun flestra annarra á Íslandi. Það er rökstutt með því að störfunum fylgi mikil ábyrgð og það eigi að endurspeglast í góðum launakjörum. Þrátt fyrir að virði margra félaga í Kauphöll hafi lækkað á síðustu tveimur árum hafa laun forstjóra haldið áfram að hækka og nýjar leiðir til að bæta við þau hafa fallið til. Auk grunnlauna og greiðslna í lífeyrissjóð geta þau verið samansett úr árangurstengdum greiðslum, kaupaukum, kaupréttum og jafnvel „keyptum starfsréttindum“. Þá kostuðu gullnar fallhlífar fyrir brottrekna forstjóra skráð félög í Kauphöll mörg hundruð milljónir króna á síðasta ári.

10 mín. lestur

bls. 10

Greining

Launaskrið hjá stjórnarformönnum – Sá launahæsti með 2,3 milljónir á mánuði

Stjórnarfundir í skráðum félögum eru að jafnaði einu sinni í mánuði. Þeir sem sitja í stjórnum þeirra fá vel greitt fyrir, sérstaklega formenn stjórna. Laun hjá 15 af 20 sem hafa skilað ársreikningi hækkuðu á síðasta ári.

bls. 10

Greining

Eru lífeyrissjóðirnir að vakna?

Lífeyrissjóðir landsins hafa verið gagnrýndir fyrir að vera áhrifalitlir eða áhrifalausir hluthafar og eftirláta einkafjárfestum með lítinn hlut í stórum félögum það að móta stefnu umræddra félaga, meðal annars í launamálum forstjóra. Það gæti verið að breytast.

bls. 14–15

LeiðariIngibjörg Dögg Kjartansdóttir

Ísland fyrir Íslendinga

Á sama tíma og útsendingu frá Söngvakeppninni var að ljúka var gerð árás á fjögurra hæða hús á Gaza með skelfilegum afleiðingum. Hér á landi var palestínskur söngvari í Söngvakeppninni hæddur og lítilsvirtur fyrir þátttökuna. Hvað varð eiginlega til þess að virðulegur eldri maður í Hafnarfirði vill senda „helv. Mussann“ heim til Gaza: „Það vill hann enginn hér!“

bls. 15

PistillSif Sigmarsdóttir

Bless, bless, Guðsteinn

Á morgun lokar Verslun Guðsteins Eyjólfssonar á Laugavegi hinsta sinni.

bls. 16–17

Greining

Hvað gerðist í Grindavík 10. nóvember?

Raunveruleg atburðarás örlagadaginn 10. nóvember í Grindavík hefur verið á reiki. Hvað flokkast undir hættuástand og hvers vegna var Grindavík ekki rýmd um leið og skjálftavirkni tengd kvikuhreyfingum færðist undir byggðina? Heimildin greinir atburðarásina og leitar svara hjá almannavörnum.

11 mín. lestur

bls. 19–24

Skýring

Ferleg er hlíðin

Súðvíkingar búa við einhvern hættulegasta veg landsins sem lokast í allt að mánuð á ári. Snjóflóð og grjóthrun eru margfalt algengari þar en annars staðar. Upplifa sífelld svik og stuðningsleysi nágranna sinna. Mugison og fjölskylda gáfust upp og fluttu.

17 mín. lestur

bls. 26

Eitt og annað

Þjóðarréttur fyrir Hæstarétt

Indversk matargerð er þekkt víða um heim og heiti margra rétta frá fjölmennasta ríki heims lætur kunnuglega í eyrum. Ef hægt er að tala um indverskan þjóðarrétt verður rauðgulur og bragðmildur réttur oft fyrir valinu. Nú er deilt um hver eigi heiðurinn af þessum rétti.

bls. 27

Nærmynd

Eitursnjall óvinur Pútíns

Í fleiri ár forðaðist Yulia Navalní sviðsljósið. Eftir dauða eiginmannsins á hún hins vegar ekki lengur annarra kosta völ en að taka slaginn. Við engan annan en Pútín.

bls. 28

Rannsókn

Stoppaður 23 sinnum af lögreglu á þremur mánuðum

Ný meistararitgerð í Háskóla Íslands segir frá niðurstöðum viðtalsrannsóknar við albanska innflytjendur á Íslandi og skertu trausti þeirra til lögreglunnar. Allir viðmælendurnir hafa reglulega verið stoppaðir af lögreglu án sýnilegrar ástæðu og lýsa þannig of-löggæslu sem jaðri við áreiti, ásamt þeim fordómum sem þeir upplifa oft frá samfélaginu. Rannsakandi segir fræðslu lykilinn að því að hindra útskúfun hópa í samfélaginu.

bls. 30

Spurningaþrautin

Spurningaþraut 8. mars 2024: Hver er þessi prúða kona? — og 16 aðrar spurningar

Hér geta lesendur spreytt sig á spurningaþraut Illuga Jökulssonar sem birtist í tölublaði Heimildarinnar 8. mars.

bls. 32–34

Viðtal

Ástarjátning í hlekkjum - BDSM 101

Petra segist ekki skilja rómantískar myndir þvi þar sé sífellt verið að fara yfir mörk fólks. Margrét upplifir BDSM sem eitthvað mun dýpra en það sem maður gerir í svefnherberginu. Nonni tjáir konunni sinni ást sína með því hvernig hann færir henni kaffi. Þau eru öll í BDSM samtökunum, segja afar sárt hvernig hatursorðræða í garð hópsins hefur grasserað og vilja einfaldlega bara fá að vera til.

21 mín. lestur

bls. 36–37

Viðtal

Valkyrjurnar vakna

Kolfinna Nikulásdóttir stofnaði gym-klúbb með nokkrum vinkonum sínum sem þær kalla Valkyrjur Vakna en einkaþjálfarinn þeirra er einmitt Guðmundur Emil Jóhannsson, sem þær kalla Gemil, sem hefur verið að þjálfa karla undir formerkjunum Víkingar vakna. Vinkonurnar hafa hver sína ástæðu fyrir því að vilja annars vegar verða sterkar og hins vegar mæta í ræktina þrisvar í viku.

10 mín. lestur

bls. 40

Fólkið í borginni

Að læra ensku breytti lífi mínu

Tony er háskólakennari frá Kína. Aðspurður að því hvaða reynsla mótaði hann mest svarar hann að það hafi verið að læra ensku, því með henni getur hann ferðast um heiminn og átt í samtölum við fólk nánast hvar sem er.

bls. 40

BakpistillKristlín Dís

Í okkar sporum

Sama fólkið og kaus þrjá hvíta Íslendinga í leðurólum og með gimp grímu gat ekki hugsað sér að kjósa brúnan Palestínumann, skrifar Kristlín Dís.

bls. 41–43

PistillAuður Jónsdóttir

Hera er til í að knúsa ísraelska keppandann

Margir fögnuðu sigri Heru Bjarkar, sem fulltrúa Íslands, á meðan aðrir voru gagnrýnir á úrslitin og hörmuðu að Ísland hefði látið hjá líða að senda út palestínskan tónlistarmann – og geta á þann hátt bæði ögrað þátttöku Ísraela í keppninni og stutt við Palestínu sem sjálfstæða menningarþjóð.

bls. 44–45

Viðtal

Ég verð ekki afmáður

Bashar Murad hefur upplifað afmennskun í ummælum almennings í tengslum við þátttöku sína í Söngvakeppninni. En þrátt fyrir hatur er líka mikil ást, segir hann. Og leitar í arabíska orðið Samud eða staðfestu, að þrátt fyrir alla þjáninguna sé hann verðugur og verði ekki afmáður.

18 mín. lestur

bls. 46–47

Viðtal

Myndir mínar gefa mér tilgang

Ári eftir að Jóhannes Hrefnuson Karlsson lá í dái á bandarískum spítala opnaði hann ljósmyndasýningu á endurhæfingardeild Grensáss. Ljósmyndunin er hans leið í endurhæfingarferlinu til að tjá sig. Þá er málstolið, sem er hans stærsta áskorun eftir veikindin, ekki að þvælast fyrir. „Mynd segir meira en þúsund orð“ á svo sannarlega við um Jóa.

Skóli lífsinsHaraldur Flosi Tryggvason Klein

Æfa sig og taka flugið á ný

Það er leikur að læra segir Haraldur Flosi Tryggvason Klein, sem telur hamingjuna búa í því að festast ekki í eigin hugmyndum. Stundum verður maður að þiggja aðstoð, æfa sig og taka flugið á ný.

SpottiðGunnar Karlsson