
Hvenær geta börnin gengið örugg um Grindavík?
Íbúar í Grindavík eru varaðir við því að ganga annars staðar en á götum og gangstéttum, þar sem holur geti opnast án fyrirvara. Unnið er að því að fylla upp í sprungur og bæjarstarfsmenn ætla að vera búnir að tryggja öryggi fólks, áður en kallið um að snúa heim kemur. Íbúi í bænum telur ekki öruggt að halda heim skömmu eftir áramót, eins og marga Grindvíkinga eflaust langar.










































