Símtal milli þáverandi formanns Seðlabanka Íslands, Davíðs Oddssonar, og þáverandi forsætisráðherra, Geirs H. Haarde, sem átti sér stað 6. október 2008 er umræðuefni sjónvarpsþáttar Kjarnans á Hringbraut í kvöld klukkan 21.
Í símtalinu ræddu þeir neyðarlánalánveitingu til Kaupþings upp á 500 milljónir evra, sem kostaði íslenska skattgreiðendur á endanum 35 milljarða króna í tap. Endurrit af símtalinu birtist í fyrsta sinn opinberlega fyrir um tíu dögum í Morgunblaðinu, sem Davíð ritstýrir.
Þórður Snær Júlíusson fær Þorbjörn Þórðarson, fréttamann á fréttastofu 365 og lögfræðing, til að ræða símtalið og þær upplýsingar sem fram koma í þeim. Þorbjörn skrifaði leiðara í Fréttablaðið í síðustu viku þar sem hann velti því fyrir sér hvort að þau samskipti sem áttu sér stað í símtalinu gætu verið umboðssvik, með vísun í dómafordæmi Hæstaréttar.
Jón Steindór Valdimarsson, formaður stjórnskipunar- og eftirlitsnefndar, er einnig gestur þáttarins og ræðir meðal annars um hvað valdi því að íslensk stjórnsýsla er svona oft treg til að opinbera upplýsingar sem eiga klárt erindi við almenning.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir