Greinar

5. maí 2023 Þing­flokks­for­maður Við­reisnar segir sorg­legt að sjá kjörna full­trúa „ausa ras­ism­anum yfir allt og alla“ og er að vísa til ummæla Ásmundar Frið­riks­sonar, þing­manns og nokk­urra bæj­ar­full­trúa í Reykja­nesbæ um flótta­fólk og umsækj­endur um vernd. Formaður þing­flokks Sam­fylk­ing­ar­innar, segir slíka orð­ræðu vatn á myllu öfga­afla. Þing­flokks­for­maður Vinstri grænna, segir skipta öllu máli að komið sé fram við flótta­fólk af virð­ingu. Það sé ekki gert þegar ýtt sé undir ástæðu­lausan ótta.

5. maí 2023 For­sæt­is­ráð­herra hefur falið emb­ætt­is­mönnum að vinna grein­ar­gerð um það hvernig best verði staðið að rann­sókn á snjó­flóð­inu í Súðavík. Hún segir mik­il­vægt að hlusta á kröfur aðstand­enda um að málið verði upp­lýst að fullu. „Loksins rofar til og sést til sólar“ segir Haf­steinn Númason.

5. maí 2023 Samkvæmt nið­ur­stöðum nýrrar úttektar um stöðu hita­veitna og nýt­ingu jarð­hita til hús­hit­unar sjá um 63 pró­sent hita­veitna hér á landi fram á aukna eft­ir­spurn og telja fyr­ir­sjá­an­leg vanda­mál við að mæta henni. Hjá stórum hluta þeirra er sú eft­ir­spurn tengd auknu magni vatns til hús­hit­unar en einnig vegna stórnot­enda eða iðn­aðar.

5. maí 2023 Sigurður Ingi Jóhanns­son inn­við­a­ráð­herra, sem fer með hús­næð­is­mál í rík­is­stjórn­inni, segir að sá hús­næð­is­stuðn­ingur sem verið sé að veita í gegnum skatt­frjálsan sér­eign­ar­sparnað til að greiða niður íbúða­lán sé „gríð­ar­legur“. Hann gengst við því að stuðn­ing­ur­inn sé að uppi­stöðu ekki að lenda hjá hópum sem þurfi helst á honum að halda. Reynt hafi verið að hætta með úrræðið en þrýst­ingur hafi verið settur á að við­halda því. Því verði þó hætt í lok næsta árs og fram undan sé við­snún­ingur á því hús­næð­is­stuðn­ings­kerfi sem verið hefur við lýði.

5. maí 2023 Til skoð­unar er hjá Strætó hvort hækka skuli gjald­skrá fyr­ir­tæk­is­ins frá 1. júlí. Ekkert hefur verið ákveðið, hvorki hve mikið verð ætti að hækka né hvort það skuli hækka yfir höfuð, segir fram­kvæmda­stjóri fyr­ir­tæk­is­ins.

5. maí 2023 Vaxta­tekjur bank­anna juk­ust mikið milli ára og eru stóri tekju­póst­ur­inn í rekstri þeirra. Einka­bank­arnir eru á fullu að skila fjár­munum úr rekstr­inum til hlut­hafa sinna í gegnum arð­greiðslur og end­ur­kaup.

4. maí 2023 Hagnaður Lands­bank­ans var 144 pró­sent meiri á fyrsta árs­fjórð­ungi í ár en hann var á sama tíma í fyrra. Vaxta­tekjur hans juk­ust mikið vegna hækk­andi vaxtaum­hverfis og auk­inna umsvifa. Kostn­að­ar­hlut­fall hríð­lækk­aði.

4. maí 2023 Teym­is­stjóri bráðateymis BUGL segir auk­inn hraða í sam­fé­lagi nútím­ans og skort á mót­læta­þoli stuðla að alvar­legri van­líðan barna og ung­linga. Þá sé mikil notkun sam­fé­lags­miðla áhættu­þáttur fyrir sjálfs­vígum. Bráðateymið grípur inn í þar sem öryggi barns er ógnað og meta þarf hættu vegna virkra sjálfs­vígs­hugs­ana eða ann­ars bráðs vanda. Álag á bráðateymið minnkar þegar skóla­frí nálg­ast. Teym­is­stjóri segir það hollt börnum að láta sér leið­ast.

4. maí 2023 Norskur eig­andi Arnarlax á Bíldudal, Salmar AS, ræðir ekki um sögu­lega slysa­slepp­ingu á Vest­fjörðum í árs­reikn­ingi sínum. Fyr­ir­tækið segir enga slysa­slepp­ingu hafa komið upp á Íslandi þrátt fyrir að allt að 82 þús­und laxar hafi sloppið sam­kvæmt MAST.

4. maí 2023 Ásmundur Frið­riks­son, þing­maður Sjálf­stæð­is­flokks­ins, segir að hópar karl­manna „dökkir á brá og brún“ hræði fólk þegar þeir gangi um götur í Reykja­nesbæ. Þessi orð hans og fleiri um flótta­fólk og umsækj­endur um vernd byggja sam­kvæmt upp­lýs­ingum Heim­ild­ar­innar og svörum Ásmundar sjálfs, á sögu­sögnum. Stjórn­mála­fræð­ingur segir að í verstu til­fellum geti slíkur mál­flutn­ingur stjórn­mála­fólks leitt til ofbeld­is­verka.