12. apríl 2021 Þessi finnski ferða­lang­ur var að skoða hvera­svæð­ið við Sel­tún í morg­un, á leið sinni að gos­inu í Fagra­dals­fjalli. En Reykja­nesskag­inn er yngsti hluti Ís­lands og á hon­um eru 5 eld­stöðva­kerfi. Krýsu­vík­ur­kerf­ið, þar sem hvera­svæð­ið í Sel­túni ligg­ur, er tal­ið það hættu­leg­asta vegna ná­lægð­ar sinn­ar við höf­uð­borg­ar­svæð­ið. Fagra­dals­fjall, vest­an við það, var tal­ið það mein­laus­asta - enda hef­ur ekki gos­ið þar í 6.000 ár þang­að til nú. Reykja­neseld­arn­ir (1210 til 1240) voru síð­ustu gos fyr­ir Geld­inga­dal­ina, þær ham­far­ir voru vest­ast á nes­inu, með­al ann­ars mynd­að­ist Eld­ey í þeirri 30 ára löngu gos­hrinu.

11. apríl 2021 Sál­fræð­ing­ur fer yf­ir leið­ir til að tak­ast á við áhyggj­ur.

10. apríl 2021 Kvíð­inn sem fylg­ir því að vera með fram­tíð­ina á bak­inu.

10. apríl 2021 Við get­um haft áhrif með orð­um okk­ar, vak­ið til um­hugs­un­ar, feng­ið fólk til að skipta um skoð­un og jafn­vel breyta um hegð­un.

9. apríl 2021 Þess­ar furðu­ver­ur á strönd­inni við Bala, neð­an við Hrafn­istu, vekja kátínu og undr­un. En út­vegs­bónd­inn eða lista­mað­ur­inn Jón Guð­munds­son sem á fiski­hjall­ann á Bala hef­ur ver­ið að hreinsa fjör­una og skap­að þess­ar fíg­úr­ur, sem flestall­ar virða sótt­varn­a­regl­ur Þórólfs og halda góðri tveggja metra fjar­lægð.

8. apríl 2021 Það var fátt upp við gos­stöðv­arn­ar í gær­kvöldi, enda var veð­ur og vindátt orð­in óhag­stæð. Klukk­an 19:33, hálf­tíma eft­ir að ég var kom­inn upp að eld­stöð­inni barst sms frá 112 um að yf­ir­gefa svæð­ið vegna gasmeng­un­ar. Skömmu síð­ar birt­ust sér­sveit­ar- og björg­un­ar­sveit­ar­menn líkt og gagna­menn að smala fé af fjalli. En því­lík breyt­ing á land­inu á inn­an við viku. Tveir ný­ir gíg­ar hafa bæst við og hraun­ið fyll­ir nú nán­ast Geld­ing­ar­dal­inn. Hraun­foss­inn nið­ur í Mer­ar­dal sá ég ekki... bara næst.

7. apríl 2021 Ís­firð­ing­ur­inn, mót­ur­hjólakapp­inn, kokk­ur­inn, lífs­k­únstner­inn en fyrst og fremst sam­tíma­ljós­mynd­ar­inn Sig­ur­þór Hall­björns­son, bet­ur þekkt­ur sem Spessi, var að opna á Þjóð­minja­safni Ís­lands ljós­mynda­sýn­ing­una SPESSI 1990-2020. Hans ein­staki stíll mark­ar þessa yf­ir­lits­sýn­ingu hans, þar sem ekk­ert er dreg­ið und­an hvort sem það er; ein­manna bens­ín­dæla aust­ur í Suð­ur­sveit, kát­ir homm­ar í góð­um fíl­ing, verk­færi búsáhald­ar­bylt­ing­ar­inn­ar, eða fyrr­ver­andi Covid sjúk­ling­ar í serí­unni C-19, sem er fyr­ir aft­an Spessa á mynd­inni. Bók sem ber sama heiti og sýn­ing­in kom út sam­hliða sýn­ing­unni.

6. apríl 2021 Rúm­en­inn sem lagði sótt­varn­ar­að­gerð­ir rík­is­stjórn­ar­inn­ar, með hjálp Óm­ars R. Valdi­mars­son­ar, var koma frá landi þar sem önn­ur bylgj­an grass­er­ar. Dag­inn sem hann kom til lands­ins greind­ust 6.115 ný smit í Rúm­en­íu og 156 and­lát urðu vegna Covid-19. Í gær voru 160 ein­stak­ling­ar á sótt­varn­ar­hót­el­inu þeg­ar dóm­ur var kveð­inn upp, en að­eins tæp­lega tutt­ugu yf­ir­gáfu hót­el­ið eft­ir úr­skurð­inn. Máls­kostn­að­ur greið­ist úr rík­is­sjóði og fær lög­mað­ur­inn Óm­ar R. Valdi­mars­son 930.000 frá okk­ur skatt­borg­ur­un­um fyr­ir fjög­urra daga vinnu að koma skjól­stæð­ingn­um til síns heima. Auð­vit­að er þetta ekki í lagi.

30. mars 2021 Jök­uls­ár­lón­ið við ræt­ur Breiða­merk­ur­jök­uls, fór ekki að mynd­ast fyrr en fyr­ir 90 ár­um. Á síð­ustu ár­um hef­ur jök­ull­inn hop­að hrað­ar, og lón­ið stækk­að, svo nú er það orð­ið heil­ir 26k­m², sjötta stærsta stöðu­vatn lands­ins. Mesta dýpt­in er 284 metr­ar, sem þessi ferða­lang­ur kann­aði að vísu ekki í blíð­viðr­inu í dag.