Stundin #154

Benedikt Sveins­son, faðir Bjarna Bene­dikts­sonar, hefur tví­vegis keypt rík­is­eignir á und­ir­verði í einka­væð­ing­ar­ferli. Þetta eru við­skiptin með SR-mjöl árið 1993 og kaup hans á hluta­bréfum í Íslands­banka árið 2022. Í báðum til­fellum hefur Rík­is­end­ur­skoðun tekið söl­una á eign­unum til rann­sóknar. Þor­steinn Pálsson, fyrr­ver­andi sjáv­ar­út­vegs­ráð­herra, sem helst var gagn­rýndur fyrir söl­una á SR-mjöli, segir að gagn­rýnin eigi ekki rétt á sér.

Eitt af því sem er til rann­sóknar hjá fjár­mála­eft­ir­liti Seðla­banka Íslands eru mögu­legar lán­veit­ingar frá sölu­að­ilum hluta­bréf­anna í Íslands­banka til kaup­end­anna. Einungis einn af íslensku sölu­að­il­unum fimm svarar því til að hann hafi mögu­lega veitt lán fyrir hluta­bréf­unum. For­stjóri Banka­sýsl­unnar, Jón Gunnar Jónsson, hefur sagt að í ein­hverjum til­fellum hafi verið lánað.

Sendi­herr­ar tíu Evr­ópu­þjóða lögðu í síð­ustu viku til að Al­eks­and­er Mos­hen­sky, kjör­ræð­is­maður Íslands í Hvíta-Rúss­landi og umsvifa­mik­ill fisk­inn­flytj­andi, yrði lát­inn sæta við­skipta­þving­un­um ESB vegna tengsla sinna og stuðn­ings við ein­ræð­is­herr­ann Lukashenko. Ung­verj­ar komu hon­um til bjarg­ar og vöktu, sam­kvæmt heim­ild­um Stund­ar­inn­ar, mikla reiði Pól­verja og Lit­háa. Kjör­ræð­is­mað­ur Ung­verja­lands er und­ir­mað­ur Mos­hen­sky.

Nöfn allra þeirra aðila sem keyptu hluta­bréf í Íslands­banka í útboði íslenska rík­is­ins á bréf­unum í lok mars hafa ekki enn komið fram. Í ein­hverjum til­fellum voru þeir aðilar sem seldu hluta­bréfin í for­svari fyrir kaupin en á bak við þau eru aðrir aðilar.

Borg­ar­stjóra­efni flokk­anna sem bjóða fram í borg­ar­stjórn­ar­kosn­ing­unum um helg­ina mæt­ast í kapp­ræðum sem streymt verður á vef Stund­ar­innar í dag. Loka­sprettur kosn­inga­bar­átt­unnar er geng­inn í garð og verða odd­vit­arnir krafðir svara um hvernig þeir ætla að koma sínum stefnu­málum til fram­kvæmda.