Stundin #141

Í fleiri til­vikum en færri eru kosn­inga­á­herslur stjórn­mála­flokk­anna sem bjóða fram til Alþingis almennar og óút­færðar. Kostn­að­ar­út­reikn­ingar fylgja stefnu­málum í fæstum til­fellum og mikið vantar upp á að sýnt sé fram á hvernig eigi að fjár­magna kosn­inga­lof­orðin. Hluti flokk­anna hefur ekki sett fram kosn­inga­stefnu í stórum mála­flokkum. Almennt orð­aðar stefnu­skrár gætu orðið til þess að liðka fyrir stjórn­ar­myndun.

Sænski þvag­færa­skurð­lækn­ir­inn Essam Mansour fjár­festi fyrir rúm­lega 60 millj­ónir króna í sænsku móð­ur­fé­lagi lyfja­fyr­ir­tæk­is­ins Alvogen árið 2009. Hann seg­ist hafa verið úti­lok­aður frá aðkomu að félag­inu frá því að hann fjár­festi í því og starfs­maður Róberts Wessman hafi komið fram fyrir hans hönd á fundum félags­ins án hans umboðs. Fjár­fest­ing­ar­fé­lag Róberts neitar ásök­unum Essams Mansour.

Fyr­ir­tækið Skóla­matur ehf. selur mat til grunn­skóla­barna í tugum skóla á Reykja­nesi, Reykja­vík og nær­liggj­andi sveit­ar­fé­lögum. Sveit­ar­fé­lögin kaupa einnig mat af fyr­ir­tæk­inu fyrir leik­skóla en án beinnar kostn­að­ar­þátt­töku for­eldra. Rúmlega 31 milljón króna hefur verið greidd í arð út úr fast­eigna­fé­lag­inu sem leigir Skólamat aðstöðu. Fram­kvæmda­stjór­inn, Jón Axelsson, fagnar spurn­ingum um arð­greiðsl­urnar en segir að það sé ekki hans að meta rétt­mæti þeirra.

Lög­reglu­stjór­inn á Vest­fjörðum, Karl Ingi Vil­bergs­son, segir að gagna­öflun í kæru­máli Samherja gegn starfs­mönnum Seðla­banka Íslands hafi dregið það á lang­inn. Már Guð­munds­son, fyrr­ver­andi seðla­banka­stjóri, seg­ist aldrei hafa verið í nokkrum vafa um að mál­inu yrði vísað frá.

Halldór Benjamín Þor­bergs­son, fram­kvæmda­stjóri SA, stofn­aði sam­lags­fé­lag sem veitti rekstr­ar­ráð­gjöf árið 2013, áður en hann tók við starf­inu hjá sam­tök­unum. Ráð­gjaf­ar­störf hans teygðu sig inn í starf hans hjá SA og fékk hann leyfi til að ljúka verk­efnum eftir að hann var ráð­inn þangað. Hann vill ekki greina frá tekjum félags­ins né fyrir hverja það starf­aði.

Kaup­fé­lag Skag­firð­inga hefur eign­ast meiri­hluta í einni stærstu útgerð­inni á Snæ­fells­nesi. Kaup­fé­lagið boðar óbreytta útgerð frá Ólafsvík en bæj­ar­stjór­inn, Kristinn Jónasson, er smeykur um að útgerðin hætti að gera út í bænum.