Stundin #133

Fjár­festir­inn Róbert Wessman, stofn­andi Alvogen og Alvotech, boðar að fyr­ir­tæki hans geti skapað um 20 pró­sent af vergri lands­fram­leiðslu Íslands innan nokk­urra ára. Alvotech rekur lyfja­verk­smiðju á háskóla­svæð­inu sem er und­ir­fjár­mögnð og hefur Róbert reynt að fá líf­eyr­is­sjóð­ina að rekstri hennar í mörg ár en án árang­urs hingað til. Rekstr­ar­kostn­aður Alvotech er um 1,3 millj­arðar á mán­uði. Samtímis hefur Róbert stundað það að kaupa umfjall­anir um sig í erlendum fjöl­miðlum og Harvard-háskóla til að styrkja ímynd sína og Alvogen og Alvotech til að auka lík­urnar á því að fyr­ir­ætl­anir hans erlendis og í Vatns­mýr­inni gangi upp.

Minn­is­blöð vegna eft­ir­lits­heim­sókna á með­ferð­ar­heim­ilið á Lauga­landi draga upp mjög jákvæða mynd af líðan stúlkn­anna sem þar voru vistaðar. Þær lýs­ingar eru í full­komnu ósam­ræmi við vitn­is­burð stúlkn­anna sjálfra. Þær lýsa því að þær hafi ekki þorað að segja frá ótta við að Ingj­aldur Arn­þórs­son for­stöðu­maður myndi refsa þeim fyrir það.

Ingj­aldur Arn­þórs­son, for­stöðu­maður með­ferð­ar­heim­il­is­ins Lauga­lands, reif í og hrinti stúlku sem gekk „ögrandi skrefum“ fram­hjá honum. Atvikið hafði engar afleið­ingar, stúlkan var ekki beðin afsök­unar og var vistuð áfram á Lauga­landi. Starfs­menn barna­vernd­ar­nefnda og fagteymi BUGL kvört­uðu yfir Ingjaldi.

Í könnun sem gerð var á afdrifum barna sem vistuð voru á með­ferð­ar­heim­ilum Barna­vernd­ar­stofu sögðu níu af 22 stúlkum sem vistaðar voru á Lauga­landi að þær hefður verið beittar ofbeldi af starfs­manni. Engu að síður fór engin frek­ari rann­sókn fram á starf­sem­inni.

Starfs­menn skemmti­stað­ar­ins The Drunk Rabbit bíða greiðslna vegna ógreiddra launa og líf­eyris eftir að staðnum var lokað í byrjun Covid-far­ald­urs­ins. Sami eig­andi opn­aði stað­inn aftur á nýrri kenni­tölu.

Ábyrgða­sjóður launa féllst á að borga van­greidd laun fjög­urra félags­manna Eflingar sem unnu fyrir Menn í vinnu og Eldum rétt. Fyr­ir­tækin unnu mál fyrir Hér­aðs­dómi Reykja­víkur. Til stóð að áfrýja dómnum en ljóst er að ekk­ert verður af því.

Sjömenn­ingar sem voru hand­teknir með vísan í 19. grein lög­reglu­laga segja yfir­völd vera að glæpa­væða sam­stöðu með fólki á flótta og brjóta gegn stjórn­ar­skrár­vörnum rétti sínum til að mót­mæla.

Bragi Guð­brands­son, þáver­andi for­stjóri Barna­vernd­ar­stofu, lagð­ist þungt á rit­stjóra og blaða­mann DV vegna umfjöll­unar um meint ofbeldi af hálfu Ingjalds Arn­þórs­sonar, þáver­andi for­stöðu­manns með­ferð­ar­heim­il­is­ins á Lauga­landi. Þá beitti Bragi sér fyrir því að félags­mála­ráðu­neytið kann­aði ekki ásak­anir á hendur Ingjaldi og mælti með að ráð­herra tjáði sig ekki um málið.

Banda­ríkin inn­leiða nýtt barna­bóta­kerfi sem veitir mán­að­ar­legan fjár­stuðn­ing upp á allt að 300 doll­ara fyrir hvert barn til hjóna með undir 20 millj­ónir í árs­tekjur. Þetta kerfi er miklu „sós­íal­ískara“ en íslenska barna­bóta­kerfið sem gagn­ast nær ein­göngu þeim allra fátæk­ustu í sam­fé­lag­inu. Kolbeinn Stef­áns­son félags­fræð­ingur segir að Banda­ríkin taki með þessu skrefi fram úr Íslandi og að kerfið lík­ist barna­bóta­kerfum Norð­ur­landa.